Davao City – Nasamdan ang usa ka truck helper human kini naipit sa dihang nabalintong ang elf truck nga gisakyan niini.
Ang driver sa elf truck giila nga mao si Edie Domingues, samtang kauban niini si alyas Mark, 16 anyos ug Joni Sulbeso, 18 anyos kinsa naipit sa maong truck.
Nasayran nga ang elf truck adunay karga nga bagaso gikan Calinan padulong Lasang ug sa dihang pag abot niini sa Diversion Road kalit kini nahaybol.
Matod sa drayber nawad-an og preno ang truck hinungdan sa maong disgrasya.
Atol sa maong insidente daling nakaambak ang drayber ug ang usa pa ka kauban niini kinsa nakahiagom og mga pangos sa kalawasan.
Samtang dali usab giresponde sa mga personahe sa 911 ang naipit sa truck nga si Sulbeso kinsa padayong nagpaalim sa Southern Philippines Medical Center sa karon.
RadyoMaN Abi Bibera
