General Santos City- Giila og gipasidunggan sa top management sa RMN NETWORKS ang mga awardees sa Henry R. Canoy Excellence Awards alang sa tuig 2017.
Atol sa gihimong awarding ceremony sa Top Level Management Conference 2018 sa Greenleaf Hotel, sa dakbayan sa General Santos City, daog ang DXDC 621 RMN DAVAO alang sa AM CATEGORY ( Primary) samtang RMN Malaybalay usab ang mananaog alang sa ( AM Secondary ).
Samtang alang sa ALL FM CATEGORY, nahimong nagmadinaugon ang IFM ILOILO 95.1.
Daog usab ang RMN ILOILO isip Special Citation for Digital Excellence.
Mismong si Eric Canoy, ang Chairman & CEO sa RMN Networks, og Enrico Canoy, Vice President for Operations, kauban si Maam Maria Clara “Inday”Canoy , ang asawa sa founder sa RMN nga si Don Henry Canoy ang mihatag sa maong awards.
Ang Henry R. Canoy Excellence Award ( HRC) ang ginahatag ngadto sa mga istasyon sa RMN sa AM og FM nga nagmalampuson sa ratings, audience share, sa resources og sales.
Dako ang pasalamat sa mga Station Managers nga mga midaog sa management sa RMN, tungod kay sa maong pasidungog mamahimong mokugi aron nga mamahimong maayo pa ang pag-alagad sa klatawhan.
Photo by: Sir Ryx Canoy
