*Detinado karon sa Mambajao Municipal Police Station ang 61 anyos nga si Mrs. Celistina G. Gomonit, nga taga-Bolok-Bolok, Mambajao, Camiguin banda alas-7:30 kagabii. *
*Kini human nasapon ang maong ginang sa gihimong Oplan Dakop batok sa mga nagpataya sa illegal swertres, nga gilusad sa Intelligence personnel sa Camiguin Provincial Police Office nga giunhan ni Police Senior Insp. Richel Sumagang ug sa mga personahe sa Mambajao Municipal Police Station nga giunhan ni Police Senior Insp. Arnold Timbal Gaabucayan, ang acting chief of Police sa maong buhatan. *
*Nasayran nga nagpatuong tayador sa swertres si Senior Insp. Sumagang, kinsa walay pagduha-duha usab nga giatiman ni Gomonit, pinaagi sa paghatag kaniya sa stab sheet human gidawat ang kwarta niini.*
*Samtang……*
*Nakahimo matud pa og salaod si Mrs. Gomonit sa gitawag nga caught in the act in plain view kon flagrante delicto, hinungdang ila kining gidakop human nagpaila sa suspek nga mga tinugyanan sila sa balaod ug gipahibalo sa iyang katungod. *
*Nakuha gikan sa possession sa suspek ang beat money ug mga gambling paraphernalia, nga naglakip na sa usa ka one hundred pesos; tulo ka 20 pesos; upat ka ten pesos nga coin; walo ka five peso coins; katorse ka tag-peso coins; unom ka tag-twenty five coins; duha ka Cellphone; usa ka ballpen; usa ka angle calendar nga 1/8 size; usa ka Notebook color blue nga adunay swertres numbers; usa ka white bond paper nga adunay swertres result ug usa ka lion tiger cartoon nga gibutangan sa beat money. *
*Sa karon gikustodiya na sa Mambajao Municipal Police Station ang mga nakompiskang butang alang sa pagpasaka og kaso batok sa suspek. *
*By; Aiza Enloran and Ellah Baculio *
