Kalibo, Aklan — “Mabuoe kunta si Misis it pinggan sa terrace, naigo it bato sa ueo, natumba si misis unconscious”
Ginpahayag ni PMaj. Jess Baylon, hepe it Malay MPS nga indi gid kunta nana gusto nga patulan rong nagwala nga first cousin it anang misis bangud nga raya hay may deperensya sa painu-inu pero ginpaueanan it bato ro andang baeay ag naigo sa ueo ro anang misis ag nakasueod eon sa andang compound rong biktima nga may daeang bote rason nga uwa eon imaw it choice kundi ana eon lang nga ginpataman sa siki rong biktima para mag untat it pagwala ag pagsukob kanda.
Suno kana nga nag mandatory leave imaw bangud nga birthday it anang solong unga ag may anda nga sangkiring selebrasyon kabii ag may dinner.
Pagkatapos it okasyon, nag tabu-ay rong banas it mag tiyo nga sanday Lambert Baylen, 59 ag Dennis Baylen, (may deperensya sa painu-inu) 27 anyos sa guwa it baeay ni Major Baylon ag didto nag inaway bangud may una sanda nga daan nga away.
Sa andang pag inaway, gin eampusan ni Dennis rong tiyo nga si Lambert it bote ag nagdaeagan sa sueod it compound ko baeay ni Baylon.
Para mauntat ro andang pag ilinaway, ginpauli eon lang ni Baylon si Dennis samtang ginapasueod sa andang baeay si Lambert.
Imbes nga mag-uli si Dennis hay nagwala raya ag nagbuoe it bato ag may bitbit nga bote nga ginhaboy na sa sueod it baeay ni Baylon rason nga naigo ro anang misis nga natumba ag nalipong.
Gintabang ni Baylon ro anang misis pero nakita kara si Dennis nga nahabuksan na rong agte ag nakasueod sa andang compound ag may daeang bote nga inug eampos rason nga uwa eon imaw it choice kundi ginpaiguan na eon lang ro biktima sa siki nga padayon naga waeas.
Insigida man nga nagtawag si Baylon sa Cabatuan PNP ag ambulansya.
Nagsurender man si Baylon sa kapulisan ag gindaea sa hospital ro anang asawa, kamana man ro anang tiyo nga gin eampusan ag pati man si Dennis nga nahabaril.
#TatakRMN <www.facebook.com/hashtag/tatakrmn?source=feed_text&epa=HASHTAG&__xts__%5B0%5D=68.ARCSUumb17wXEjEh7uW8N9pGcdgMAfFQke4-e2LoJKOxUYk7-7LsulArmIb0RlecvJD_tytoc2-60HqaqkAC6MrtY2HoBAE-FoBwvBmTZSejCoSSH9iz…>
via Rmn Iloilo
