Banga, Aklan – Uwa eon makaabot nga buhi sa hospital rong sangka welder matapos nga makuryente ag mahueog sa gina ubrang gasolinahan sa Brgy. Tabayon, Banga kahapon.
Ro biktima nakilaea kay Warren Farenas, 27-anyos ag residente it Tapaz, Capiz.
Sa report it Banga MPS naga guwa sa andang imbestigasyon nga kahapon hay nagatakod it atop rong biktima tag aksidenteng hasapding rong linya nga naka konektar sa welding machine rason nga nakuryente raya.
Matapos nga makuryente hay nahueog pa rong biktima halin sa kapin 13 feet nga kataason kung sa siin una rong ueo nga tumugpa sa matig-ang bagay nga naging rason it anang pagkamatay.
Gintinguhaan pa nga daehon sa hospital rong biktima pero gindeklara nga dead on arrival it anang doctor.
#TatakRMN <www.facebook.com/hashtag/tatakrmn?source=feed_text&epa=HASHTAG&__xts__%5B0%5D=68.ARBR3Bhcs0Wo562vLg8LnBUUMPV-ocmdBOBRhIr2ZkO-w78v1A2KaEVPsgxG2CHtdQQOYOMELZ73xOXJeAK8s93PhXhBV4C32M3Er12v3zz9MsqxPq0A…>
