Hepe nan Gen. Services Office tagpasalig an paglimpyo sa nag-unang dayan sa basura na nakolekta sa pagsugat sa Bag-ong Tuig sa Surigao City
Tagpasalig nan hepe nan Gen. Services Office sa Surigao City Jupiter Dotillos an paglimpyo sa nag-unang dayan sa basura na nakolekta sa pagsugat sa Bag-ong Tuig.
Tagtudlo niini, sugod pa kaganinang kaadlawon an pagsubay nan mga street sweepers sa mga lugar na kon diin nadapog an mga basura. Sumaya pa ni Dotillos, na-doble ug na-triple pa an gidaghanon sa mga basura labi na kay sa pagsugat sa Bag-ong Tuig, may mga nabilin na putos sa mga pabuto, mga karton ug plastic gikan sa mga tagtinda na prutas lakip isab an iban pa na butang na tagbijaan .
Hinoon tagpasalig dugang niini na sa dili pa matapos kuman adlawa, malimpyo na nila an mga nag-unang dayan, ini pinaagi isab sa pagtabang nan mga garbage collectors gikan sa lain-laing barangay sakop sa siyudad.
