Hepe sa Cebu City Police Office pormal nang mobiya sa katungdanan

27
????????????????????????????????????

Hingpit nang miretiro sa PNP Service si Police Colonel Royina Garma.
Si Garma gitudlo ni Presidente Rodrigo Duterte nga mangulo sa Philippine Charity Sweepstakes kon PCSO.

Ang order gikan sa kampo crame pinitsahan niadtong Hunyo 30 nadawat na ni Garma.


Gikompermar kini ni Police Brigadier General Debold Sinas ang hepe sa Police Regional Office 7 labot sa pag pirma ni Pnp Chief Police General Oscar Albayalde sa order.

Karong huwebes gitakda ang relinquishment sa office ni Garma ug gitudlo nga officer in charge ang kasamtangan nga Deputy City director for Administration nga si Police Lieutenant Colonel Lorenzo Batuan jr.

Dugang ni Sinas nga wala pa ang order sa mohulip kang Garma nga si Police Colonel Gemma Vinluan nga maoy gi indorso niini ngadto kang Cebu City Mayor Edgardo Labella ug sa PnP Chief.

Dako ang pagsalig ni General Sinas nga tugotan sa kadagkoan sa kampo crame ang ilang giindorso nga mo puli ni Colonel Garma aron mapadayon ang mga programa niini sa kapulisan sa siyudad sa sugbo.

Facebook Comments

From Advertisers