Bisan paman nga gideklara na nga drug cleared ang pito (7) ka mga barangay sa lungsod sa Manukan. Apan padayon pa gihapon ang pag monitor sa mga sakop sa Barangay Anti-Drug Abuse Council (BADAC) ug kapulisan.
Kahibaloan nga gideklara sa miaging semana ang brgy. Gupot, Lupasang, Mate, Serongan, Lingatong, Patagan, ug Suisayan pulos kini sakop sa lungsod sa manukan.
Butyag pa ni OIC PSI Benjamin Napigkit ang bag-ong hepe sa maong lungsod nga maningkamot siya nga ang tanang barangay sa Manukan mamahimong drug cleared ug drug-free barangay dinhi sa Zamboanga del norte.
Kanunay niyang gina monitor ang lihok sa mga drug surrenderee ug ilabi na ang mga tigpayuhot sa droga sa maong lungsod.
Tungod kay matod pa gi tamdan gayud niya ang kampanya batok droga ni Pangulong Rodrigo Duterte nga mao’y nakahatag ug kadaot sa pipila ka mga indibidwal. Nag awhag usab siya sa katawhan nga mo tabang sa ilang kawsa nga batukan ang ginadiling droga sa ilang lungsod.
