General Santos City–Human ang malampusong pagronda sa mga operatiba sa Philippine Drugs Enforcement Agency PDEA 12, Special Action Force, NICA og Joint Taskforce Gensan sa panimalay ni Maasim Mayor Anecito Lopez kagahapon sa kaadlawon nga nahimutang sa may Lumasal Maasim Sarangani province.
Dayong gitangtang sa pwesto ni Police Regional Director Chief Supt. Cidrick Train ang hepe sa Maasim PNP nga si Police Chief Inspector Caniezo Golwengon.
Rason ni RD Train sa pag relieved kang PCI Golwengon nga nalutsan ang maong opisyal kung asa laing tropa pa sa ahensiya sa gobyerno ang naka operate, nakakumpiska sa mukabat sa 5 ka million ka pesos nga gituohang shabu, mga armas, bala, gituohang ecstasy tablet, sa mismong panimalay niini sa Maasim pasado ala Una kagahapon sa kaadlawon.
Mihulip isip Hepe sa Maasim PNP mao si Police Chief Inspector Nemesio Calipio, nga gikan sa Sarangani Provincial Command og Police Senior Inspector Wisley Matillano isip Deputy Commander.
Samtang kagahapon sa hapon dayong gipatawag ni Sarangani provincial Director Supt. Joseph Semillano si Police Chief Inspector Golwengon nga madistino sa Sarangani Provincial Headquarters sa kawas Alabel Sarangani.
