Gibutyag karon sa hepe sa lungsod sa Mutia nga si P/Insp. Antonio Tapales nga walay sighting ug record sa rebelde sa nahisgutan nga lungsod gawas lang sa mga kasikbit niini nga brgy. Sa silingan nga lungsod nga anaa gayud ang presensya sa NPA nga mao ang lungsod sa Conception ug Don victoriano.
Kini karon ang gibantayan nila ang utlanan sa brgy. Bagong nayon sa lungsod sa Conception ug brgy. Mansawan sa lungsod sa Donvic nga adunay mga rebelde ilabi na nga duol ra kini sa brgy. nga sakop sa lungsod sa mutya*.*
Dugang pa sa pagpasabot ni Tapales nga dugay na kaayo ang maong mga text nga migawas nga matod pa adunay pagabuhaton nga pagpang sulong sa lungsod sa Mutia ug posible matod pa nga mibalik napud kini ug text.
Hinuon aduna gihapon posibilidad nga pagpang sulong ilabi na nga ang utlanan sa maong lungsod mao man ang sakop Mis. Occ.
Wala matod pa kinahanglan kabalak-an tungod kay sa brgy. Alvenda aduna Cafgu ug Army Detachment nga anaa nahimutang duol sa utlanan nga sakop sa lungsod sa Donvic samtang sa brgy. Unidos utlanan kini sa lungsod sa Conception hinuon aduna usab army sa New Siquijor nga sakop sa 5th IB.
Sa may brgy. Buenasuerte, anaa usab ang mga security army sa mga ekipo nga iya sa Rudhil construction ug lain pang construction company, sa gikaingon na sa hepe nga ang posibilidad anaa gihapon kay iya kini sa kalaban ug dili kini mapugngan kun buhaton ang pagpanulong*.*
