Si PNP chief Director General Ronald Bato De la Rosa maoy pinasidunggang dinapit atol sa ika 116 nga Police Service Anniversary sa Police Regional Office -7 sa Camp Sergio Osmena Sr. sa dakbayan sa Sugbu .
Matud ni PRO-7 chief , Jose Mario Espino isip kabahin sa programa hatagan ni De la Rosa ug award ang ubay-ubay nga mga police officers nga adunay maayong kontribusyon sa kampanya batok sa ginadili nga drugas .
Lakip sa pasidunggan mao kadtong mga polis nga gikaingkuwentro sa napatay nga drug protector nga si PO3 Ryan Quiamco nga naapil sa narco-list ni Presidente Rodrigo Duterte.
Modawat usab ug award ang hepe sa Cebu City Police Office nga si Sr./Supt. Joel Doria ug Cebu Provincial Police Office chief , Sr./Supt. Eric Noble.
Facebook Comments
