General Santos City— Gihingusgan ni Police Senior Inspector Fernando Manuel Jr., hepe sa Police Station 7 nga wala niya gikulata ang usa ka Jeric Piodos, hamtong ang pangidaron nga residente sa Brgy. Fatima ning dakbayan.
Dipensa niini nga gidala sa inahan ang nahisgutan uban ang igsuon niining samang hubog gumikan nagmaoy ug hapit magdunggabanay niadto pang Disyembre 29 kung asa mismong ang inahan maoy mipirma sa iyahang salaysay nganong nagkasamad-samd ang nawong sa nahisgutan.
Pamahayag niini nga siya maoy requesting party alang sa pagpamedical sa mga nahisgutan ug mipirma matud pa sa blotter book ang inahan sa duruha nga temporaryong i-detain ang mga nahisgutan hangtud nga mawala ang epekto sa ilimnong makahubog.
Dugang pa niya nga wala siya magdahum nga siya pa maoy mahimong dautan human ang iyahang gihimo kung asa wala gihingusgan niini nga wala man niya madapatan ang nahisgutang reklamante.
Pamahayag niya nga walay kamatuuran ang maong akusasyon gumikan isip pulis, aduna matud pa silay gipanumpaan sa ilahang serbisyo. Kung asa iyahang gihingusgan nga usa siya ka advocate sa human rights ug wala niya gina-tolerate ang samang mga binuhatan.
