Wa makibhangi ang pagsalig ni Police Regional Office-7 Director Debold Sinas ngadto sa ilang labaw nga si PNP Chief Oscar Albayalde .
Taliwa kini sa paglambigit kang Albayalde sa iyang mga sakop kaniadto sa giingong modus nga hulidap sa dihang provincial director pa kini sa Pampanga PNP ug nabutyag atol sa imbistigasyon sa senado bahin sa “ninja cops.”
Samtang giawhag usab ni Sinas ang iyang mga sakop sa Central Visayas nga dili magpaapekto sa maong isyu ug moobserbar lang sa nagpadayong hearing sa senado .
Ang kanhi director sa Criminal Investigatigation and Detection Group Benjamin Magalong nibutyag nga niadtong 2013 ang mga sakop ni Albayalde dunay gihimo nga anti-drug operation nga 200 kilos nga shabu apan kapin sa 30 na kilo lang ang gipakita sa media.
