Hepe sa PS3 naalarma sa nagkabata nga na-involve sa pag pamaligya ug droga

15

General Santos City–Naalarma na karon si Police Lieutenant Felix Minion III ang Officer In Charge sa Police Station 3, tungod sa nagka-ubos ug nagkabata ang ilahang mga nadakpan nga na involve sa pagpamaligya ug iligal nga droga.

Sumala pa niini nga tungod sa ilahang mga edad, curious matud pa ang mga batan-on nga motesting ug mga butang nga ug dili mabantayan ug magiyahan sa mga ginikanan posible matud pang mahulog sa paggamit ug pagpamaligya ug iligal nga droga.


Nag pahimangno usab kini ngadto sa mga ginikanan nga bantayan ang mga anak hilabi na sa edad nga 14 ngagto na sa 17 anyos kung kinsa ang mga kanunay nga kauban niini ug bantayan kung aduna bay pag bag-o sa batasan niini.

Kini aron nga malikayan nga maadto kini sa mga barkada nga maoy mudala kanila sa kadautan.(Dave Silagan)

Facebook Comments