General Santos City–Nagtingkagol karon sa selda sa Police Station 6 ang tulo ka indibidwal nga silang Abubakar Najeb, 29 anyos nga nanimuyo sa Block 9, Phase 1 Gensanville , Brgy Bula, Amereden Usudan, 30 anyos nga nanimuyo sa Purok Malakas, Brgy. San Isidro ug Roberto Sebastian, 38 anyos, driver nga nanimuyo usab sa Prk. 4, Lanton Brgy Apopong human nga nagsugal kini pinaagi sa dula nga bilyar alas 5:30 ang takna sa hapon sa Cagampang Street, Brgy Dadiang South.
Naka dawat matud pa ug impormasyon ang nasangpit nga estasyon nga adunay nagasugal sa maong area hinungdan nga nagpahigayon ug operasyon kung asa na aktohan gayud ang mga suspect nga nagdula ug bilyar nga adunay pusta hinungdan gisikop.
Nakuha sa ilahang kustudiya ang duha ka mga tako, billiard balls ug ang pusta nga 560 ka pesos, kasong pag supak sa presidential decree 1602 kon illegal gambling ang atubangon sa mga suspect. (Dave Silagan)
