Human sa dose oras, gibuhian sa Police Station 3 alas dos kagahapon sa hapon si PCapt. Carter Yamba, Hepe sa Burgos Municipal Police Station, Surigao del Norte hinungdan nga temporaryong kining gawasnon sa pagakakaron.
Ang opisyal ang gitumbok nga nga mibangga sa gimontar nga checkpoint sa Brgy. Bancasi ning dakbayan sa Butuan bandang alas 10:00 ang takna kagabii niadtong Huwebes, Hulyo 4, 2019.
Ang maong insidente ang miresulta sa pagka-angol sa duha ka mga pulis Patrolman nga sakop sa Butuan City Mobile Force Company (BCMFC) ang nahilandig sa balay tambalanan nga sila si Patrolman Joseph Janog ug Patrolman Gibson Garces.
Nasayran nga human gi-release ang opisyal, adeser pa gisang-at sa PNP ang kasong Recklace Imprudence Resulting to Multiple Physical Injury and damage to property ngadto na sa buhatan sa City Prosecutor Office.
Madumduman nga nagsakay sa iyang Toyota Fortuner nga nagdala sa plaka numero WQS 284 si P/Capt. Yamba gikan niuli sa iyang panimalay sa lungsod sa Buenavista, Agusan del Norte ug sa pagbalik niya sa Burgos, Surigao del Norte gikabutyag nga aksidenting gi-hurdle niini ang Suzuki Multicab nga adunay plaka numero ABU 6133 ug milahos sa gimontar nga checkpoint sa Butuan City Mobile Force Company sa Brgy. Bancasi nga gikaingol sa duha ka pulis.
[image: TOYOTA.jpg]
