Tabina, Zamboanga del Sur – Patay ang hepe sa Civilian Volunteer Organizations kun CVO human kining gipusil sa wala mailang responsable samtang nag-duty sa outpost sa Brgy. Lumbia sa lungsod sa Tabina ning Probinsya sa Zamboanga del Sur niadtong martes sa gabii.
Sa interview sa RMN DXPR Pagadian kang P/CAPT. ROEL JAPAY ang hepe sa Tabina Municipal Police Station, giila ang biktima nga si Jacer Jacalan diin nakahiagom kini ug samad pinusilan sa iyang sampot nga miresulta sa hinanali niini nga kamatayon.
Sa inisyal nga imbestigasyon sa Tabina MPS, samtang on-duty matud pa ang biktima kalit nga niabot ang maskarado nga suspek nga sakay sa pick-up og gipahapa ang biktima uban ang laing tanod nga nailang si Rolando Meca.
Nakuha sa dapit nahiboan ang upat ka basyo sa bala sa M16 rifle.
Personal nga bangi ang gisundan nga motibo karon sa kapulisan labot sa maong pagpamusil.
Nidepensa usab ang otoridad sa nikatag gipatik sa facebook nga wala matud pay police nga ni-assist pag-ugkat sa patay nga lawas sa biktima.
Giingon ni Japay alas 5:00 sa buntag nadawat nila ang taho rason nga wala kini makaresponde apan andam matud pa silang moresponde bisan unsang orasa kun ugaling ilang madawat ang report.
