General Santos City–Gipaklaro ni Police Captain Romeo Albano Jr. ang hepe sa Tantangan MPS nga ang munisipyo sa Tantangan ang unang gideklara sa PDEA-12 nga drug cleared na sa South Cotabato.
Pamahayag ni Albano nga tungod sa ilang pagpaningkamot ug walay undang sa kampanya batok droga nakahatag kini ug maayong resulta sa ilang trabaho.
Dugang asoy sa opisyal nga usa sa criteria nga gibasihan nga nahimong drug cleared ang Tantanga ang pagkahurot matud pa sa pagdakop sa mga high value target ingon man ang mga naapil sa listahan nga lambigit sa droga.
Dugang pamahayag ni Albano nga bisan pa man nga nadeklara na nga drug cleared ang munisipyo sa Tantangan nagpadayon sa gihapon ang ilahang anti-illegal drug operation hangtud nga duna pa silay mahibaw-an nga mga tawo nga nalambigit pa sa illegal nga droga.
Matud pa sa opisyal nga duna silay madakpan sa ilang aor nga mga drug personality apan mga newly identified nga gikan pa kini sa mga kasikbit nga munisipyo nga nagasulod aron lamang mamaligya ug ginadiling droga.
Kahibaloan nga gideklara sa PDEA nga drug cleared na ang munisipyo sa Tantangan ingon man ang munisipyo sa Surallah.
Gipaklaro usab ni Police Captain Albano nga sulod sa tulo ka bulan gina-evaluate ang mga munisipyo nga nahimong drug cleared kung namintinar ba niini ang mga programa ug ang kampanya batok droga.
Hinungdan nga kanunay silang nagpadayon sa drug clearing operation aron nga mapakgang gayud ang droga sa ilang area of responsibility.
Gipaniguro sa opisyal sa mga lumulupyo sa Tantangan nga padayon ang ilahang paghatag ug suporta sa mga brgy. council, sa lokal nga panggamhanan ingon man sa kapulisan aron nga magpabiling drug cleared ang maong munisipyo.(Reynald Timario)
