Ivisan, Capiz- Ginpanindugan sang pamunoan sang Ivisan PNP nga nag-agi sa tama nga proseso ang ginapatigayon nila nga imbestigasyon may kaangut sa natabo nga vehicular accident sa Barangay Ondoy kun sa diin duha ka mga responders sang Sigma MDRRMO ang ginbawian sang kabuhi.
Ginpahayag sang hepe nga si Police Captain Gregg Anthony Salbang nga ginhimu nila ang tanan agud lamang nga mahingagaw nga mapasaka paagi sa inquest proceeding ang kaso kontra kay Police Captain Alcer Moncera.
Apang bangud wala gilayon makuha ang death certificate sang mga biktima halin sa ospital, nahulog sa regular filing ang pagpasaka sang kaso.
Samtang gin-engganyo ni Salbang ang sin-uman nga indibidwal nga nakasaksi sa insidente nga mahimu magpadulong sa stasyon sang kapulisan agud nga maghatag sang dugang nga testimonya para nga masolbar ang amu nga kaso.
Ini ang sa pihak naman sang mga alegasyon nga naka-inum ang sakay sang Montero Sports kag babaye nga kaupod ni Captain Alcer Monsera ang nagamaneho sang nasambitan nga salakyan sang natabo ang bunggoanay.
