Pinakadako nga rice cake mosaic mugna sa mga lokal sa Calasiao Pangasinan aron sa paglangkat sa Guiness world title.
Lain-lain nga mga color sa puto ang nakalatag sa 70 ka lamesa arun mamugna ang 208-square meter nga rice cake mosaic nga nagpakita sa usa ka lolo nga naghungit og puto sa usa ka bata.
Ang maong disenyo ginama sa 28-anyos nga Pangasinense artist nga si Kel Padilla. Matud pa sa mga organizer 30 ka mga indibidwal ang nangamot sa pagpreparar sa way paghunong sulod sa tulo ka adlaw aron mahimo lang ang higanteng mosaic.
Gilatag ang obra sa usa ka conditioned sports complex sa maong lungsod.
Striktong gipatuman nga kon kinsa ang moduol sa obra kinahanglan magtangtang sa iyang sapatos ug magsul’ob og hairnet, gloves, mask ug apron paglikay sa puto nga mapan’os.
Ang maong higanteng puto mosaic ipang apod-apod sa mga lokal sa umaabot nga Puto Festival sa ilang lungsod.
Matud pa sa mga lokal nga opisyal, modangat pa ug buwan bag’o makumpirma kung nasungkit ba sa Pilipinas ang titulo sa nakahimo og pinakadako nga rice cake mosaic sa tibuok kalibutan.
Sa kasamtangan ang nag’gunit sa record mao ang Fukushima, Japan nga nakahimo og 64-sqm rice cake mosaic gamit ang 23,862 nga puto niadtong 2012.
Source: abs-cbn news
