Davao City – Positibo sumala pa si Davao City Mayor Sara Duterte-Carpio nga masugdan ang operasyon sa High Priority Bus System (HPBS) dinhi sa syudad sa Davao karong 2019.
Sa pakighinabi sa Davao media atol sa usa ka presscon, gibutyag sa alkalde nga andam na ang mga ruta nga gi-identify nga agi-an sa HPBS.
“I think we can start na. Mura’g mga 50% nako positive na magsugod gyud ta this year.” tataw niini.
Buot usab sa mayor nga dili ordinaryo nga bus ang magdagan alang sa HPBS kundili mga latest nga klase sa bus sama sa makita sa laing nasud.
“Ang atoang gina-push gyud is a modern bus system. So, kung dili gihapon sila modern like what we see in other countries, like Singapore, like Germany.. kanang mga ing-ana, dili ta musugot. What we want to see is the latest sa modern nga bus system nga makita nato globally.” segun niini.
Giklaro usab sa presidential daughter nga wala gihimong trial ang Peak Hours Augmentation Bus Service (PHABS) isip preparasyon sa HPBS tungod kay lahi ang sistema niini sa augmentation buses nga gi-provide karon sa kagamhanan.
RadyoMaN Kirby Manzon
