Davao City – Daghan og nakat-on si Davao City Mayor Sara Duterte-Carpio sa pagbisita niini kang Kumander Marikit, high-ranking leader sa New People’s Army (NPA) human mi-surrender sa militar sa Pikit, North Cotabato niadtong Agosto 2021.
Sa pamahayag ni Mayor Sara sa iyang official Facebook page, gibutyag niini nga personal niining nahinabi si Marikit nga kanhi opisya sa Guerilla Front (GF) 55 ilawom sa Southern Mindanao Regional Committee (SMRC) nga kasamtangang nanimuyo sa syudad sa Davao.
Sulti ni Mayor Sara nga buot niining makab-ot ang kalinaw ug dili moundang ang gobyerno sa pagpangita og pamaagi nga mahatag kini sa Davaoeños labi na gyud sa mga residente sa Paquibato.
“Gusto natin lahat makamit ang kapayapaan at hindi tayo titigil sa paghahanap ng mga paraan para maibigay ito sa mga Dabawenyo, lalo na sa mga taga Paquibato. Marami ako natutunan sa kwentuhan namin ni Marikit at patuloy pa natin pag-aralan ang tamang formula para sa kapayapaan,” tipik sa Facebook post sa alkalde.
Nasayrang mabdus ang maong kanhi NPA official nga asawa ni alias Rommel, usa ka former commanding officer nga namatay sa engkwentro tali sa 27th Infantry Battalion.
RadyoMaN Kirby Manzon
