High-ranking NPA official giturn over sa NBI sa AFP

Davao City – Giindosar na sa National Bureau of Investigation Tagum District Office (NBI-TAGDO) ang surrenderee nga babaying high-ranking official sa New People’s Army (NPA) alang sa seguridad.

Sa eksklusibong interbyu sa DXDC RMN Davao kang Vicente Essex Minguez, NBI-TAGDO chief, gihatod nila si Ka Riya, 28 anyos sa 1003rd Infantry Brigade Philippine Army.

“Siya ang gapangolekta sa mga kwarta sa extortion activity sa NPA sa Davao City, Region XI ug sa Kidapawan. Amo siyang giturn-over sa Army para secure pod siya,” sumala niini.


Bitbit ni Ka Riya ang iyang anak atol sa pag-surrender niini niadtong Mayo 18, 2021 sa Poblacion Monkayo, Davao de Oro.

Matud sa NBI, Liaison Officer sa Sub Regional Urban Committee 4 ug officer sa Regional Instructors Bureau Committee (SMRC), kanhi estudyante sa University of South Eastern Philippines Tagum City Campus, kanhi membro sa Gabriela ug nahimong iskolar sa Kabataan Partylist.

Gibutyag sa hepe sukad tuig 2013 nahimong aktibo sa kalihukan si Ka Riya, kansang mga ginikanan ug kaipon niini mga kanhi sakop usab sa NPA.

Gipanganti ni Minguez, sa uban pang mga sakop sa NPA nga gusto mu-surrender nga abli ang NBI nga modawat kanila.

“Aduna pay panahon nga magbag-o. Welcome sila nga mubalik sa gobyerno, andam ang NBI nga mutabang kanila kung makahuna-huna sila’g surrender, kami mangita’g paagi aron ma-secure sila,” sumala niini.

RadyoMaN Aimee Guinita

Facebook Comments