Davao City – Sayop sumala pa nga basehan ang lugar sa pagpasulod og tao sa usa ka opisina o establisyemento sama niadtong nahimutang sa high-risk o very high-risk areas gumikan sa Coronavirus Disease 2019 (COVID-19).
Kini ang tubag ni Davao City Mayor Sara Duterte-Carpio human sa report nga adunay mga tindahan o establisyemento nga dili magpasulod og mga tao gikan sa mga lugar nga nagbaton og taas nga kaso sa COVID-19.
“Mali nga inyohang health screening is based on the address sa individual. Dapat ang health screening ninyo is based on symptom checking and other health protocols that they implement that they implement and put in place inside their offices and establishments,” matud sa alkalde.
Matud sa mayor nga kinahanglan lamang nga ipatuman ang mga health protocols sama sa pagsuot og mask, pagbutang og handwashing facility, alcohol, social distancing, face shield sa trabahante, disinfection ug symptom screening sa mga musulod nga indibidwal.
RadyoMaN Kirby Manzon
