Sa interbyu sa DXDC RMN Davao kang Angie Payosalan Dela Cruz, Information Officer sa OCD-XI, gibutyag niini nga ubay-ubay ka mga barangay sa rehiyon ug dinhi sa syudad sa Davao ang maigo sa fault system.
Matud ni Dela Cruz, naghatag na usab og listahan ang OCD-XI sa mga Local Government of Unit (LGU) kung unsa ang mga lugar nga risgo labi na sa kusog nga mga pagtay-og nga mamahimong muhatod og seryosong damyos.
“Naghatag napud mi’g mga listahan ana sa LGUs sa mga identified areas po na at risk sa atoang paglinog up to intensity 7 or 8 po nga possibly nga maguba gyud ang ilang kabalayan,” sulti ni Dela Cruz.
Samtang, giklaro sa Philippine Institute of Volcanology and Seismology (PHIVOLCS) nga walay kamatuoran ang inpormasyon nga mikatag sa social media kabahin sa giingong high-magnitude nga linog nga muigo sa Cagayan de Oro City ug Tagoloan River nga muresulta sa tsunami.
Matud sa PHIVOLCS, kinahanglan lamang ang kanunay nga pagpangandam diin hangtud karon wala pay teknolohiya nga makatagna kanus-a ug asa matigayon ang mga pagtay-og.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
