Arestado ang isa ka high school teacher matapos madakpan sang kapulisan nga nagabaligya sang illegal nga droga sa ginpatigayon nga nuy bust operation sang kapulisan.
Suno sa mga otoridad, ginakabig nga “high-value target” ang maestro nga ginkilala kay Roselier Catacutan Cadeliña, 44 anyos nga nagatudlo sa Sibulan National High School’s extension campus sa Barangay Ajong, Dumaguete.
Upod sini nga nadakpan si Rictor Cabual Ligo nga convicted man anay sa kaso angot sa illegal nga droga kag ginrelease halin sa New Bilibid Prison sa Muntinlupa City sang nagligad nga Marso.
Nadakpan ang duha sa Barangay Magatas nga amo naman ang nagaserbe bilang “drug market” sang mga iligalista suno kay Sibulan Police chief Senior Inspector Enreque Asonio.
Dugang pa snag PNP, magluwas sa illegal nga droga, may kaso man si Cadeliña angot s apagpang-abuso sa iya anay estudyante.
Photo from web? Not the actual photo
