Pagadian City – Target karun sa kapulisan ning syudad sa Pagadian ang napulog walo (18) ka indibidwal nga naa sa drugwatchlist nga unahon sa pagbisita dungan sa pagbalik sa ‘Oplan Tokhang’ karung adlawa.
Sa interview sa RMN Pagadian kang Psupt. Benito Ricopuerto gibutyag niini nga base ilang pagmonitor dunay 18 ka High Value Target nga naa sa ilang listahan ang unang patilawon sa Oplan Tokhang.
Hinoon gihupay sa hepe ang kabalaka sa katawhan sa pagbalik sa tokhang og iyang gipaniguro nga dili kini madugoon sukwahi sa panglantaw sa uban.
Gidugang ni Ricopuerto ilang sundon ang supplemental operational guidelines arun walay magduda sa mga lakaw sa iyang tropa.
Facebook Comments
