Tungod sa padayong pakigbatok sa kapulisan sa Labason may kalabot sa illegal nga droga sikop ang usa ka indibidwal nga nalambigit sa droga sa nahisgutan nga lungsod.
Una ng naghimo ug close monitoring and surveillance ang Labason pnp sa ilang Area of responsibility batok sa mga drug personalities sa may brgy. Antonio lungsod sa Labason sakop ning probinsya sa Zamboanga Del norte.
Naghimo ug buy-bust operation ang mga pulis pinaagi sa pakigtimbayayong sa PDEA, miresulta kini sa pagkasikop ni Alain Capagal Quines alyas Alayn Quines, 44 anyos, giila kini pusher sa nahisgutan nga barangay.
Butyag pa sa imbistigador nga si SPO2 Pepito E. Palabrica human nga napalitan sa awtoridad ang person of interest ug nadawat ang usa ka gamayng pakete nga adunay sulod nga white crystalline substance nga gituohang shabu dali nga gi artesto kini sa kapulisan dili ra layo sa iyang pinuy-anan.
Ang nahisgutan nga dinakpan lakip kini sa HVT sa Labason, gani mitahan na kini kaniadtong Hunyo 30, 2016 sa oplan tokhang sa labason MPS.
Nakuha ang ubay –ubay nga mga heat sealed nga pakete kang Alain Quines lakip ang buy-bust drugs ug buy-bust money nga mo balor sa P500. Nakumpiska usab ang cellphone niini lakip ang gisakyan nga XRM Single motor nagtangag sa plaka numero JA 15711.
Sa pagkakaron himas na sa mabugnaw nga rehas ang dinakpan human nga pormal napasakaan ug kaso may kalabot sa guinadiling droga.
