General Santos City—Samdan ang usa ka gwardya human naunay sa iyang pusil samtang angol ang usa ka Construction worker human nga natripan sa mga miyembro sa Children in Conflict with The Law (CICL) sa may National Highway, Barangay Apopong Gensan, alas 2:00 kaganinang kaadlawon.
Giila ang gwardya nga si Richard Awabao, 28, residenti sa Pigkawayan, North Cotabato . Samtang giila usab ang construction worker nga si Andy Ramos, 19, residenti sa Surallah, South Cotabato.
Subay sa inisyal nga report, nangaon sa National Highway ang mga biktima dihang sila natripan sa mga CICL.
Nipabuto ang gwarya aron unta tabangan ang mga biktimang gigukod apan nipalya ang iyang pusil mao nga siya ang naigo sa tiil. Samtang nadunggaban usab sa suspek ang biktimang si Ramos.
Sa karon ang duha ka mga biktima nagpabilin pa sa Dr. Jorge Royeca Hospital, samtang nagpadayon pa ang gihimong imbistigasyon sa kapulisan.
