SAN CARLOS CITY – Natigayon nga madakpan ang isa ka ginakabig high value target level 2 sa ginpatigayon nga drug buy bust operation may mga las 8:45 kagab-i sa Brgy. 6, San Carlos City.
Nakilala ang suspek nga si Jose Mayo Silva, 40 anyos, kasado kag resident sang Brgy. 6 ciudad sang San Carlos, Negros Occidental.
Si Silva nga kilala nga miembro sang Virtucio Drug Group ang nadakpan sang joint teams halin sa PDEU Negros Occidenal Police Provincial Office sa pagpanguna ni Police C/Insp. Rogelio Pacificar Jr. kag sang San Carlos Drug Enforcement Team.
Nakuha sa possession sang suspek ang isa ka P500 peso bill bilang buy bust money, 8 ka sachet sang suspected shabu, P500 pesos nga cash proceeds.
Ginabulubanta nagabug-at sang 3 ka gramos ang nakuha nga suspected shabu kay may estimated value nga kapin P36 mil pesos.
Ang suspek detained karon sa custodial facility sang San Carlos City Police Station./dyHB BACOLOD
