Davao City – Nadakpan sa Philippines Drug Enforcement Agency kun PDEA 11 ang usa ka high value target human gilusad ang buy bust operation kauban ang Sta. Cruz Municipal Police Station sa pagpanguna ni Police Sr.Inspector Mary Grace Martinez ug mga personahe sa 1104th Regional Mobile Force Batallion diin natigayon ang operasyon alas 5:10 sa kahaponon sa bulan sa Hunyo petsa 5 tuig 2018 didto sa Sitio Tacub Barangay Zone 1, Sta. Cruz, Davao del Sur.
Sa report gikan sa PDEA11 naila ang dinakpan nga usa ka Aldrin Anta Bautista, 33 anyos, usa ka traysikad driver ug residente sa maong lugar.
Matud pa, positibong napalitan ang suspek sa usa ka poseur buyer og shabu nga mokantidad og 2, 000 pesos.
Atol sa maong operasyon narekober sa dinakpan ang laing usa ka sachet sa gituohang shabu nga mutimbang og 50 gramos nga mokantidad og 750,000.00 pesos.
Detinado na sa PDEA11 ang dinakpan nga si Bautista ug giandam na ang kasong kalapasan sa Section 5 ug Section 11 sa Akta Republika 9165 kon Comprehensive Dangerous Drugs Act of 2002 ug karon adlawa i-file ang kaso ngadto sa korte.
RadyoMaN Don Pulayao
