Cauayan City – Kinilala ang 86th Infantry Highlander Battalion bilang pinakamataas sa lahat ng infantry battalions matapos itong makakuha ng 99.11% rating sa Annual General Inspection para sa taong 2024.
Ang tagumpay na ito ay patunay sa mahusay na pamumuno, disiplina, at epektibong operasyon ng Highlander Troopers.
Layunin ng Annual General Inspection na suriin ang kakayahan ng mga yunit na magamit nang maayos ang kanilang mga rekurso, mapanatili ang mataas na moral, at magampanan ang kanilang misyon nang may kahusayan.
Ang pagkilala sa Highlander Battalion ay simbolo ng kanilang dedikasyon sa bayan at pangako na magdala ng kapayapaan at pag-unlad sa mga komunidad na kanilang pinaglilingkuran.
Facebook Comments
