Gisugdan na kaganihang buntag ang bag-ong pamaagi sa pagkuha og police clearance sa syudad sa sugbo diin ang matag usa nga molukat niini aduna nay identification card nga mahimong gamiton sa pag transact sa gobyerno.
Matud sa hepe sa Cebu City Police Office Sr. Supt. Royina Garma nga ang maong bag-ong sistema, ilang gisunod sa syudad sa Mandaue ug Lapulapu nga mao ra usab nga kompanya ang nagprovide sa kahimanan.
Kini lahi sa miaging tuig nga mano-mano ang pag ukay sa records sa kapulisan itandi karon tungod kay online man kini sa tulo ka syudad sa Metro Cebu ingun man sa ubang syudad sa kaulohan ug Mindanao .
Tungod niini mahibaw-an na ang adunay pending nga kaso sa usa ka tawo.
Gani karong adlawa sa pagsugod na sa bag-ong sistema, aduna nay ni HIT nga mikoha og police clearance nga posibling adunay susama kanila og pangalan nga adunay pending nga kaso sa laing lugar.
Gidugang ni Col. Garma nga aprobado sa kampo krame ang bag-ong pamaagi sa pagkuha og police clearance gani gitinguha sa kadagkuan sa PNP nga himuon kini lukop nasud.
