Davao City – Naka hightened alert ang duha ka Police Station ang kapolisan sa Sta. Ana ug San Pedro alang sa hugot nga seguridad sa sentro nga bahin sa siyudad nunot sa anibersaryo sa New Peoples Army (NPA) karong adlawa (Disyembre 26).
Sa interview sa DXDC RMN Davao kang Police Major Jack Tilcag, Station Commander San Pedro Police Station, nakadeploy na ang ilang personahe aron magbantay sa ilang matag Area of Responsibility (AOR).
Matud ni Tilcag, naglusad usab sila og random check point aron pagseguro nga dili malutsan sa ilusad unya nga pagpangataki sa mga rebelde.
Subling nagpahimangno si Tilcag sa iyang mga kaubang police nga dili mokumpiyansa, kanunay magbinantayon ug hugtan pa ang seguridad nga gipatuman.
RadyoMaN Don Pulayao
Facebook Comments
