General Santos City—Patay nang nakaplagan sa iyang mga kabanay ang usa ka 17 anyos nga lalaki human naghikog sulod mismo sa ilang panimalay didto sa may Purok Cawa, Barangay Mabay, Maitum, Sarangani Province niadtong nakalabayng adlaw.
Biktima itago lang sa pangalang Alias Ronelo, 17, residenti sa maong lugar. Subay sa report sa Maitum Municipal Police Station nasuta nga alas 6:00 ang takna sa buntag dihang nakit-an sa iyang inahan ang biktima nga nagbitay na sulod sa ilang panimalay.
Wala na madala pa sa ospital ang nasangpit human nga wala nay pulso dihang nakaplagan.
Nasayran nga ayha naghikog ang batan-on nakig-inum pa kini sa iyang mga amigo. Wala sab magdahum ang ginikanan niini nga himuon sa nasangpit ang pagkutlo sa iyang kinabuhi.
Facebook Comments
