Malay, Aklan – Sambilog rong patay ag sambilog rong ninahan matapos nga mag-amok rong sangka hilong sa birthday party kahapon it hapon sa Brgy. Nabaoy, Malay, Aklan.
Ro mga biktima hay ro mag ingkampod nga nakilaea kanday Rodelio Claud Flores, 35-anyos, laborer ag Eugene Claud, 29-anyos samtang ro suspek nakilaea kay Eddieboy Bernabe Zubista, 28-anyos, helper sa sangka traiding ag tanan residente man it nasambit nga lugar.
Suno kay PSSGT. Gerald Ilig it Malay PNP, nga naga guwa sa andang pag imbistiga nga kahapon hay may birthday party (debut) sa lugar ag agahon pa eang hay sigidas eot ang ininum hasta magabii.
Rayang si Eugene hay umuna it tueog kumo bastante eon. Ko ulihi ro suspek ag anang manghod hay nga diskusyon, sumueod sa baeay it may okasyon ro suspek ag bumuoe it sanduko.
Una na nga linabo si Eugene nga nagakatueog ag inigo sa tuo nga abaga dayon nag kinagubot.
Rayang si Rodelio hay nagatindog nga nagatalikod sa suspek hay binuytan it suspek sa ueo ag gineotgot sa li-og.
Base sa mga naka saksi nakabaeos man it pag tueop si Rodelio pero ko ulihi hay nakapaeagiw rong suspek.
Insigida nga ginpangdaea ro mga biktima sa Malay District Hospital pinaagi sa pagtuwang tuwang bangud nga sa sobra kaeayo ko lugar, ap-at ka suba rong gintabok ag indi maabot it saeakyan.
Pag-abot sa hospital hay gin deklara nga dead on arrival it doctor si Rodelio apang si Eugene hay gin refer sa Aklan Provincial Hospital para mataw-an it nagakaigo nga pagbueong.
Samtang nagapadayon pa makaron rong ginapatigayon nga hot pursuit operation it mga kapulisan kuntra sa suspek.
#TatakRMN <www.facebook.com/hashtag/tatakrmn?source=feed_text&epa=HASHTAG&__xts__%5B0%5D=68.ARBVS1uFHDdFOS-lzo0nwbNpnVhykJBEkDWQU-Wkp1aAldwBnJB5vUaJi5DrAhnNCH9Zv5Op5AIoWjBfv7vLwiRqI8RUHStYypT3IkVk0jS7pU6UNiVi…>
