Pagadian City – Gipatin-aw sa Department of Social Welfare and Development (DSWD) nga andam na ang kwartang ipang-apod apod nga ilalom sa programang Social Amelioration sa matag lungsod.
Kini ang gibutyag ni Rebecca Guillermo, ang team leader sa DSWD dinhi sa syudad, sa interview sa programang Straight to the Point kagahapong adlawa.
Niining kasamtangan, kamulo pa ang gihimong beripikasyon arun finalize na ang masterlist sa mga makabenepisyo sa maong hinabang sa matag lungsod.
Gipasabot ni Guillermo nga dili tanang maka fill up sa maong form ang makadawat sa Social Amelioration.
Aduna usab silay gibuhat nga cross matching arun bugtong kwalipikado o mga nalakip sa poorest among the poor lamang ang makadawat.
Namahayag usab siya nga kon ugaling dili malakip ang usa ka kabus ug kwalipikadong indibidwal, mamahimo kining mopadangat sa iyang mulo ngadto sa DILG o sa hingtungdang buhatan.
Sa katapusan, gihangyo ni Guillermo ang katawhan nga magpaabot lang una ug gipaniguro niyang sa sunod semana aduna nay mahitabong pay out sa matag lungsod.
