Hinabang Sa Mga Nasunogan Gipug-Ngan Sa Comelec?

13

PAGADIAN – Gipatin-aw sa Commission on Election ( Comelec Pagadian) nga wala nila pugngi ang pagpanghatag og hinabang sa lokal nga kagamhanan sa syudad sa Pagadian ngadto sa 115 ka pamilyang nasugan nga kasamtangang gipahiluna sa evacuation center.Sa pagpakighinabi sa RMN Pagadian kang Anaclita Balinton ang comelec officer, gipanghimakak niini ang naasoy nga isyu. Sigon pa niya nga wala silay rason nga pug-ngan ang paghatud ug hinabang ngadto sa mga nabiktima sa sunog.Apan ila lang nga gipahinumduman ang mga kandidato nga musakay sa panahon gumikan kay ilalom sa Omnibus Election code gidid-an ang mga kandidato sa personal nga pagtunol sa hinabang ngadto sa mga biktima sa kalamidad.Hinoon mamahimong motabang ang mga politiko kun ipaagi sa City Social Welfare and Development Office. (RMN PAGADIAN – KENNETH BUSTAMANTE)

Facebook Comments