Davao City – Padayon karon ang ginahimong balidasyon sa National Telecommunication Commission (NTC) kabahin sa duha ka mga lugar sa rehiyon XI nga adunay hinay nga communication signal.
Sa pakighinabi sa DXDC RMN Davao kang NTC XI Director Nelson Cañete, kini ang ilang ginahimong aksyon karon kabahin sa naapektuhang katawhan ug buhatan sa gobyerno sa Compostela Valley ug Davao Oriental tungod sa hinay nga communication signal diin matud pa og mahuman sila sa ilang validation, ihatag nila ang resulta sa Central Office alang sa sunog nga lakang.
“Unya sige pud mi og padala og communication sa Manila didto sa central office aron ilang kuhiton ang telcos nga palambuan pud ang signal”, sigun ni Cañete.
Matud ni Cañete nga aduna lang usa ka network ang nagagana sa area sa Comval diin sumala pa dili kini patas sa mga konsumante hinungdan nga ginakomunikar usab nila ang mga dagkong telecommunications dinhi sa nasud aron mapakusgan ang signal sa mga nasangpit nga lugar.
RadyoMaN Renz Barbarona
