Wala gin-aprobahan sang Local Inter-Agency Task Force for the Management of Emerging Infectious Diseases sang Surallah ang apela sang mga resort owners nga ipadayon ang ila nga operasyon kag hugot nga ipatuman ang minimum health protocols.
Samtang ginbasura man sang local IATF ang hingyo sang Commission on Higher Education nga pagpatigayon sang biking event nga “PADYAK”.
Nahibaluan nga nangin unanimous ang desisyon sang Local IATF sa wala pag-aproba sa apela sang CHED kag mga resort owners sa banwa kadungan sang ginpatigayon nila nga pagsinapol nga ginpangunahan ni municipal administrator Beltran Armada kag mga miyembro sini.
Ginapanindugan sang local IATF nga prayoridad kaluwasan kag ikaayo sang katawhan sang Surallah tungod sa padayon nga pagsaka sang kaso sang COVID-19 sa banwa.
