Manila, Philippines – Hinimok ni Bagong Henerasyon PL Rep. Bernadette Herrera-Dy ang mga bagong nurses sa bansa na maglingkod muna sa lugar kung saan sila isinilang o lumaki bago maisipan na mag-trabaho sa abroad.
Hinikayat ng kongresista na ibalik at tulungan muna ng mga bagong nurses ang kanilang mga komunidad.
Ipinunto pa ng lady solon na hindi lamang mga ospital ang nangangailangan ng mga nurses.
Aniya, nariyan rin ang mga pangangailangan ng mga nurses tulad sa DSWD, mga lungsod, munisipalidad, at probinsiya kaya mataas ang demand sa mga nurses dito pa lang sa bansa.
Dagdag pa ng kongresista ang pangangailangan ng nurses sa military at police force, mga paaralan at malalaking kumpanya.
Facebook Comments
