Pontevedra, Capiz- Hinubog kag daan nga hiligut-anon ang ginatudlo nga rason sa pagkabuno sa isa ka lalaki alas 9 sang gab-e sa Brgy. Rizal, Pontevedra, Capiz.
Ginkilala ang biktima kay Albino Ladero y Nabigar, 58-anyos sang nasambitan nga lugar sa diin nag-angkon ini sang pilas sa iya natuo nga kamot.
Base sa imbestigasyon sang mga kapulisan, naga-inom ang biktima sa poluy-an ni Juanito Betongga sang nag-abot ang suspek nga si *Larry Dorde y Fuentes, *40-anyos kaupod si Alan Fuentesy Dorde, 23-anyos.
Nagluntad ang masingki nga komprontasyon sa tunga sang mga ini nga ginsundan sang paggabot sang kitchen knife sang suspek kag hinali nga ginbuno ang biktima.
Madasig ini nga gindangat sa Bailan District Hospital agud nga mabulong. Samtang sa ginpatigatigayon nga hot pursuit operation, natigayon nga madakpan sang mga kapulisan ang suspek samtang narekober naman sang mga otoridad ang 12.5 pulgadas nga kahabaon sang kutsilyo nga gingamit sini sa krimen.
**(web photo)**
