Davao City – Mibuto ang mga transformer sa kuryente ug adunay broken primary line nga nahitabo kagabii hinungdan sa pagbrown out sa pipila ka mga lugar sa syudad sa Davao dala sa kusog nga hangin ug ulan.
Kini ang gibutyag ni Jomelyn Legaspi, customer service representative sa Davao Light and Power Company kun DLPC atol sa pakighinabi sa DXDC RMN Davao kaniya.
Hinuon daling giaksyonan sa ilang mga personahe ang maong pag brown out ug pipila ka oras lang ang milabay nabalik ra usab ang linya sa kuryente.
Sa pikas bahin, walay napatumang pre emptive evacuation ang Office of Civil Defense kun OCD XI human mibundak ang kusog nga ulan kagabii.
Sumala ni Louie Paquit sa OCD XI, nakig-koordinar sila sa City Disaster Risk Reduction and Management Council, wala hinuoy namonitor nga pagsaka sa level sa tubig sa kasapaan.
Padayon nilang ginamonitor ang ubang lugar sa rehiyon og nakasinati ug naapektuhan ba sa kusog nga pag ulan kagabii.
RadyoMaN Renz Barbarona
