Davao City – Pagbuto sa ligid ang hinungdan sa pagbangga sa duha ka bus sa Km. 92, Magsaysay, Nabunturan, Compostela Valley ala-1 ang takna sa hapon kagahapon, February 4, 2019 nga gikamatay sa 5 ka indibidwal ug ubay-ubay ang na-angol.
Sa pakighinabi sa DXDC RMN Davao kang NUP-Antojeen Filipino sa Nabunturan PNP, gibutyag niini nga subay sa imbestigasyon kalit na lamang nibuto ang ligid sa Metro Shuttle bus nga naggikan sa Davao padulong sa Veruela, Agusan del Sur rason nga mibangga kini atubangan sa Bachelor bus nga naggikan sa Butuan padulong dinhi sa dakbayan sa Davao.
Sa pakighinabi sa DXDC RMN Davao kang Police Provincial Director, PSenior Supt. Arnold Palomo kagabii, gibutyag niini ang mga pangalan sa dead on arrival sa ComVal Provincial Hospital ang mga pasahero sa Metro Shuttle nga sila Elsa Salarda Acedilla, 59, Jerome Uyanguren ug ang driver sa Metro nga si Hamber Khen Despi samtang usa ka unidentified nga pasahero sa Bachelor.
Dali usang gidala sa ComVal Provincial Hospital sa Montevista ang mga pasahero sa Bachelor Express bus nga sila Jovelyn Ramada, Kent Jay Cuyos, Kristine Jewel Cuyos, Evelyn Blanco, Aristi Montalban, Dante Valeria, Marwin Panlilio, Mary Twinkle Sombreo, Ruwel Sunga, Jesabel Mojino. Ug mga pasahero sa Metro Shuttle bus nga sila Jesley Navalle, Kilwen Jane Jorado, Johnny Vicente. Samtang gidala sa Nabunturan Docto’s Hospital si Kevin Lord Vicente, 7-anyos. Gidala usab sa Davao Regional Hospital sa Tagum City ang mga pasahero nga mao sila Marnelli Calupas, Jay Solayao, Ruben Morales, Marlon Muñoz, Mary Grace Balbuena, usa ka buntis ug si Cruz Daig (driver sa Bachelor Express) ug upat pa ka unidentified nga pasahero.
Gikasubo usab sa Davao Metro Shuttle bus ang aksidente diin mitabang usab ang ilang respond team sa gihimong imbestigasyon.
RadyoMaN Kirby Manzon
