General Santios City—Dili pa matumbok sa kapulisan kung unsa gayud ang hinungdan sa kamatayon sa usa ka estudyante sa Tupi ,South Cotabato nga itago lang sa pangalang Diane, 18 anyos, nanimuyo sa lungsod sa Surallah kansa nakit-an na lamang sa iyang mga higala nga wala nay kinabuhi nga nagbitay sulod mismo sa comfort room sa boarding house niini sa Barangay Poblacion, Tupi
Sumala pa ni Police Major Andres Sumugat Jr. ang labaw sa Tupi Municipal Police Station nga sa wala pa mahitabo ang insidente gitawagan pa ang biktima sa iyang mga higala apan wala kini gatubag sa cellphone hinungdan nga nabalaka na ang mga higala niini ug ilang giadtuan ang boarding house sa nasampit ug didto na nila nakita ang patayng lawas sa biktima.
Saysay man usab ni Sumugat nga dunay narekober ang SOCO Team sa lugar nga Suicide Note sa biktima kung asa ang unod niini ang pagpangayo niini ug pasaylo sa iyang pamilya tungod kay dili na niya matuman ang iyang pangandoy sa kinabuhi.(Raynald Timario)
