South Cotabato—Gitin-aw ni Police Colonel Joel Limson ang Provincial Director sa South Cotabato Police Office nga wala pa silay kasayuran sa pagkakaron kung unsa gayud ang hinungdan sa nahitabong rido sa duha ka pamilya sa Palimbang, Sultan Kudarat.
Sumala pa ni Limson nga ang mga namakwit nga mga tawo gikan kadto sa Barangay Ned, Lake Sebu nga milikay lang gumikan kay nahadlok nga madamay sa kasamok bisan pa man nga layo kini sa Palimbang, Sultan Kudarat kung asa nahitabo ang rido.
Dugang Saysay ni Police Col. Joel Limson nga dunay impormasyon nga miabot kanila nga posibleng gituohang problema sa yuta ang usa sa hinungdan sa rido sa duha ka pamilya sa naasoyng lugar.
Samtang aduna usab impormasyon nga nagkapinusilay hinungdan nga nahadlok ang mga residente sa brgy.Ned hinungdan nga namakwit kini papalayo sa lugar. (Reynald Timario)
