Davao City – Misukol-patay ang usa ka giingong hired killer atol sa operasyon sa kapulisan sa Tagum City.
Sa report sa Tagum PNP, gisilbi sa mga otoridad ang warrant of arrest tungod sa kasong murder ug frustrated homicide ngadto sa giilang si Jomarie Abayon didto sa Purok Durian, Apokon, Tagum City alas 9:15 sa gabii niadtong Hulyo 31, 2018.
Sumala pa nga mibunot og baril ang suspek hinungdan nga matud pa napusilan-patay kini.
Dugang pa nga giingong si Abayon nagapamaligya usab og iligal nga droga gawas sa gikalambigitan niining gun for hire.
Subay niini, gipasalamatan ni Davao del Norte Police Provincial Office head Police SSUPT Alan Manibog ang komunidad sa pakig-alayon kanila sa paghatag og impormasyon bahin sa mga tawong nakalapas sa balaod.
RadyoMaN Renz Barbarona
