Ang “job mismatch” maoy gitudlong hinungdan sa Department of Labor and Employment (DOLE) kon nganong dyutay lang ang na-hired on the spot sa kapin 900 ka mga aplikanti sa gipahigayong duha ka adlaw nga Job and Business Fair sa DOLE subay sa kasaulogan sa Labor Day.
Sigun ni Keith Duran, provincial officer sa DOLE Agusan del Norte nga gikasubo nila nga mokabat lamang sa 18 ang na-hired on the spot luyu paman nga kapin usa ka libo unta ang bakanting trabaho nga gitanyag sa mga employers alang sa overseas ug local nga panarbaho.
Sa nakalabyang mga job fair nakita sa DOLE ang rason nganong gamay ra ang madawat nga mga aplikanti kana tungod sa kakulangon sa mga pertininting dokumento, mao’ng gitagaan kini ug sulbad karong tuiga pinaagi sa pagtanyag usab ug one stop shop uban ang presensya sa DTI, TESDA, SSS, Philhealth, PAG-IBIG ug ubang ahensya sanglit kinahanglanon man ang mga dokumento nga gikan niini.
(VC. DOLE 1)
Mga skilled workers maoy gipangita sa mga recruiters alang sa trabaho abroad ug mga bakanting trabaho para sa hotel ug restaurants, constructions ug ubang industriya dinhi sa rehiyon ang bakanti dinhi sa local apan daghang mga fresh graduates maoy ni-apil sa job fair. [image: job dair.jpg]
