TACLOBAN CITY – Nademolish ha historic Redona residence o kun Osmena House nga nahihimutang ha T. Claudio st syudad han Tacloban.
Nasusubo naman an pira nga sector han syudad kun kayano ginpabay-an ini han Local ngan National government nga mapreserba ini nga historic nga balay.
An Redona Residence in nagserbe nga opisyal nga urukyan ni Presidente Sergio Osmena Sr. Matapos an liberation ha Leyte han Allied Forces nga ginpangunahan ni United States General Douglas Macarthur, nagin official seat an mao nga balay han National Government dida han 1944.
Sumala han anak ni the late Margarito Redona nga hi Cristina Pablo, nagdesisyon hira nga ig-demolish nala an historic house tungod nga maraksot na ini. Naghihingyap daw liwat hira nga igbaligya nala ini nga property.
Gin-eksplenar liwat ni pablo nga waray official declaration an balay nga parte han National Heritage tikang ha Dept. Of Tourism.
Sumala kan Brgy. 8 Chairman Mario Banoyo, atraksyon an historic house ilabi na ha mga estudyante ngan foreigners nga nabisita ha mao nga balay.
Sumala naman kan National Commission for Culture and the Arts (NCAA) Secretary for Historic Research Professor Rolando Borrinaga, an demolisyon han Redona Residence ha T. Claudio St. in usa nga unfortunate event para ha local history.
