Hit and run incident sa Panabo giinbestigahan

73

Panabo City – Padayon karon ang gihimong inbestigasyon sa pag-hit and run sa usa ka kotse sa Panabo City pasado alas 11:00 sa buntag niadtong Miyerkules (Mayo 26, 2021) sa highway atbang sa Panabo City Hall, Panabo City.

Sa interbyu sa DXDC RMN Davao kang P/Lt.Col. Verna Cabuhat, Chief of Police Panabo City Police Office, gibutyag niini nga ila nang ginasusi karon kung adunay CCTV (closed-circuit television) sa lugar aron masayran ang plate number sa truck nga nakabangga, diin aduna usay migawas sa social media nga dashboard footage atol sa insidente.


“As of now wala pa talaga na-identify ‘yung truck nga nakita sa dashboard pero nag-coordinate na kami dito sa CDRMO kung nakuha ba, na-capture ba ng CCTV ‘yung incident,” segun ni Cabuhat.

Sa Facebook post sa biktima nga si Kelly Kazama Foo, gikan kini sa Davao padulong og Panabo sa dihang kalit na lamang siyang nabangaan sa usa ka dump truck rason nga naligid ang iyang sakyanan diin milagro kining naluwas uban sa iyang usa pa ka kauban.

“Nikalit rajud siya ug bangga sa ako. Wala jud to siya kabantay sa ako ba. Ang driver sa black dump truck, nihunong man pero ginadeny niya nga siya. Forward truck daw na blue. Sakto naay blue scratches si Baymax. Pero daan nato last May 3 pa to nahitabo na scratch. Pero sure jud ko na dump truck nakabangga sa akoa. Klaro man kaayo sa video ba? What if nangamatay mi ato? Huhuhu,” post sa biktima.

Minor injuries lamang ang naangkon sa duha ka biktima ug dako usab nga tabang ang ilang pagsuot og seat belt sa biyahe.



RadyoMaN Kirby Manzon


Facebook Comments